Utilisateur:Mariem bokhtache/Brouillon
عنابة
| لسماوات |
|---|
| الإسم بالعربية عنابة |
| ⵄⴰⵏⴰⴱⴰ / Σanav الإسم بالقبايلية |
| الإدرات |
| البلاد الجزاير |
| ولاية عنابة |
| دايرة عنابة |
| الرمز تاع البوستة 2300 |
| الرمز تاع الديوان الوطني تاع الإحصائيات 2301 |
| السكان |
| يعيطولهم عنابيات ,عنابيين |
| السكان 257 359 نسمة(2008 |
| الكثافة السكانية 5252 نسمة/كم مربع |
| الجغرافيا |
| الإحداثيات 36° 54' 15' شمال 7°45' 07' شرق |
| العلا الحد التالي كامل 3 م |
| المساحة 49 كم مربع |
عنابة,(( بالعربية عنابة) كانوا يسموها بكري بون كي كانت فرنسا محتلتنا كانوا يسموها فان هيبون في العهد تاع بكري )هي المدينة الرابعة في الجزاير من جيهة عدد السكان مورا العاصمة ,وهرن و قسنطينة .عنابة جاية بعيدة ب 152 كيلو من الشمال الشرقي تاع قسنطينة, ب 536 كيلو من شرق العاصمة و بقريب 100 كيلو من غرب الحدود تاع تونس .هي فان مدينة جاية حد البحر عدد السكان تاعها يفوت 600000 بنادم في القرن السابع ,هيبون رجعت المركز تاع المسيحية في وقت القديس أوغسطين اللي كان الأسقف تاعها من 396 حتى مات في 430
الجغرافيا[modifier | modifier le code]
الموقع[modifier | modifier le code]
عنابة جاية في الساحل الجنوبي تاع البحر الأبيض المتوسط ,في الشمال الشرقي تاع ولايتها ,في الشمال الشرقي تاع الجزاير, بعيدة ب 600 كيلو على العاصمة و ب 100 كيلو على الحدود تاع تونس .الولاية جاية مورا خليج مفتوح من الشرق على الخليج تاع عنابة. ومن الغرب تحدها لجبال تاع الإيدوغ (ألف و ثمن ملاين تاع علا
التضاريس و الهيدوغرافيا[modifier | modifier le code]
- لجبال تاع ايدوغ :عنابة جاية في الحاشية الشرقية تاع ايدوغ ,هي السلسلة تاع لجبال العالية كامل ب 1008 متر تاع علا
- واد سيبوس:ينبع (انخلق في البداية تاع لعوام تاع 1970 كي بناو الوزين تاع السيمة )من الجنوب الشرقي تاع المدينة اللي يطيح في البحر الأبيض المتوسط .الحوض تاعو هو الكبير كامل في الجزاير و الأراضي تاوعوا هي اللي تنتج بزاف
- البحيرة تاع فتزارة :جاية في الغرب تاع المدينة ,بعيدة على البحر الأبيض المتوسط ب 14 كيلو .تمتد من الشرق للغرب ب 17 كيلو تاع طول و ب 13 كيلو تاع عرض. محدودة من الشمال بلجبال تاع الإيدوغ ,بالكديات تاع عين الباردة من الجنوب و بالكديات تاع الرملة من الشرق و الغرب .في الجوايه تاع البحيرة كاين بزاف من المدن: في الشمال ,كاين العاصمة تاع بلدية برحال, في الجنوب بلايص من العلمة (واد الحوت )و الشرفة ,و في الشرق قريات صغار تاع الغنترا و وادي زيد
-
لجبال تاع الإيدوغ. -
الحالة تاع الجو[modifier | modifier le code]
عنابة فيها الجو تاع البحرالأبيض المتوسط. معروفة بالصيف تاعها الطويل السخون و الناشف .الشتا فيها معتدل و مندي ;الثلج ما يطيحش بزاف النو تطيح فيها بزاف و تقدر تكون غازرة.هي على العموم فيها السخانة و كثرتها من نص جوييي حتى لنص أوت
البيانات تاع الطقس تاع عنابة
| الشهر | جانفي | فيفري | مارس | أفريل | ماي | جوان | جويلية | أوت | سبتمبر | أكتوبر | نوفمبر | ديسمبر | لعوام |
|---|---|---|---|---|---|---|---|---|---|---|---|---|---|
| متوسط السخانة الصغيرة كامل (درجة) | 7 | 7 | 8 | 10 | 13 | 16 | 19 | 20 | 18 | 15 | 11 | 8 | 12 |
| السخانة المتوسطة (درجة) | 11 | 12 | 13 | 15 | 18 | 21 | 24 | 25 | 23 | 20 | 15 | 12 | 17 |
| متوسط السخانة الكبيرة كامل (درجة) | 15 | 16 | 17 | 19 | 22 | 26 | 29 | 30 | 28 | 24 | 20 | 16 | 22 |
| الغزورية تاع النو( مم) | 100 | 70 | 70 | 40 | 30 | 10 | 0 | 10 | 30 | 70 | 60 | 100 | 630 |
Source : The Weather Network, statistiques sur 21 ans.
النقل[modifier | modifier le code]
عنابة فيها لاغار تاع التران جاية قريبة من البور و من لاري تاع النقولة
المطار تاع عنابة-رابح بيطاط جاي 9 كيلو جنوب الولاية. رحلات يمشيها المطار تاع الجزاير و ايغل أزور تربط عنابة بالجزاير ووهرن ,و بالمدن تاع فرنسا باري ,ليون ,مارساي و نيس و بالمدينة تاع اسطمبول التركية .ربطوا فان بين عنابة و السعودية بالحج لمكة .
عنابة فيها بور اللي هو واحد من بين عشرة تاع ليبور تاع التجارة الجزايرية و فيه بابورات اللي يدوا الناس لمارساي ولا الطاليان
التخطيط تاع المدن[modifier | modifier le code]
الناس كاين بزاف في المدن تاع البوني, الحجار و سيدي عمار, اللي دايرين بعنابة حيت رجعت العلاقة مع هاذ الأخيرة تزيد كثر و كثر. المدينة تطورت ملي داروا الوزين تاع الحديد تاع الحجار( بعشرة كيلو جنوب) الي خدم كامل الناس تاع هاذ البلاصة
قلب المدينة تاع عنابة وين جاية ساحة الثورة (بكري برتاغنا باينة )معمر بالأقواس من غاع الأنواع وين كاين الريستورات السطوحة والغرابة
الكارطيات تاع عنابة[modifier | modifier le code]
- مدينة الأفلان بكري ساحة مارس
- سيدي براهيم
- مدينة أوزاس
- تباكوب
- البور الخارجي
- سوق الذرة
- ساحة الثورة بكري ساحة برتاغنا
- (البلاصة تاع آرمز (مدينة قديمة
- الخروب (مدينة النصر)جاية حول الكدية تاع سبع رقود
- طلوع الفجر
- المناديا والفران
- (شط فلاح رشيد (بكري القديس كلود
- (شط ريزي عمور (بكري شابوي
- شط الخروب
- (شط رفاس زهوان (بكري توش
- شط بلفيداغ
- شط عين عاشير و عين بن سلطان
- واد القبة و خليج صيادين المرجان
- بيوسيجور
- الماجستيك
- البولينج
- السانتوس
- سيدي عيسى
- فال ماسكرو
- مدينة الشرطة
- القمات و مدينة بلفيدير
- مدينة غاسيو
- بني محافر
- زعفرانية
- مدينة نجمة
- الكولون روندون
- اليسا و بكري كنيسة القديسة آن
- لورانجيري
- مدينة سيبوس بكري جوانونفيل
- الغازومتر
- واد فرشا
- مدينة الجسر لبيض
- مدينة الشينا
- مدينة 1276 سكنات الصفصاف-مدينة الألمان
- المدينة تاع 5 جويي 1962 بكري المدينة تاع المجرية
- مدينة 11 ديسمبر 1690 بكري جبانة ليهود
- مدينة 13 ماي
- مينة ديدوش مراد بكري الشجر تاع الورد
- مدينة 8 مارس
- واد الذهب
- بوزراد حسين
- سيدي حرب
- مدينة الريم
- مدينة سيدي عاشور
الأسماوات تاع عنابة[modifier | modifier le code]
عنابة هي وحدة من المدن القديمة تاع الجزاير, تأست في 1295 قبل الميلاد ,معروفة بلسماوات المتابعة من أوبون , هيبوريجيوس, هيبون ,بونا ,بلاد العنب, بون ,و في التالي عنابة
بكري, كانوا يسموها بلاد العنب معنتها مدينة العناب (ع )عنابا (عناب), لاقيباش ينتجوا بزاف هذ الفاكية في هذ البلاصة
التاريخ[modifier | modifier le code]
باه تصيبوا مقالة عامة شوفوا تاريخ الجزاير
قبل التاريخ[modifier | modifier le code]
المنطقة تاع عنابة صابوا فيها بزاف آثار من العصور تاع من قبل التاريخ تاع - 2 ملاين سنة . الناس البيدائيين عاشوا في هذ البلاصة من العصر الحجري القديم التالي ( -108 مليون سنة حتى-100000 سنة )بداية من العصر الحجري الحديث ةبان نوع جديد من الناس هو تاع البحر الأبيض الموسط
بان الإنسان في المحيط تاع عنابة من العصر الحجري القديم ,في البلاصة تاع راس الحمرا (راس العسة), في الكديات تاع بوحمرا .الرجال تاع بكري خلاو بزاف آثار في المنطقة تاع بون :سنيوات منقوشة ولا رطبة ,حجر واقفة ,دويرات مصنوعة بالحجر, القبورة تاع الدولمن ,سوا في ركنية اللي معروفة بزاف و لا ي قالمة ,الطارف ولا شابوي
في نفس الوقت, حضارة وحدوخرة يسموها كابسيان بدات تظهر في المنطقة تاع غافسا اللي جاية في الجنوب الغربي تاع تونس
الكابسيين, من الجيهة الأنثروبولوجية, فهوما يشبهوا للسكان تاع شمال افريقيا .المتخصين الأنثروبولوجيين و الناس تاع قبل التاريخ, قالوا بلي الكابسيين اللي يسكنوا حد البحر أصلهم من الشرق الأوسط ,و نقدروا نقولوا بلي حفادهم هما السكان تاع الصح .الناس تاع قبل التاريخ أكدوا مالا بلي المغاربة اللولين جايين من الكابسين اللي يسكوا حد البحر الأبيض المتوسط, اللي يمثلوا النسل البربري اللول
(في التالي تاع الألفية الخامسة قبل الميلاد, النهاية تاع العصر الحجري الحديث و البداية تاع العصر الحجري القديم( -5000 حتى -3000 سنة
العلما تاع الآثار اكتاشفوا كي كانوا يبحثوا في البنيان في شمال افريقيا مقابر تاع الموتى و صوالح تاع طين قدم تاع هذاك الوقت
هذ الصوالح اللي صابوهم اللي أكدوا بلي الإنسان تاع قبل التاريخ كان بكري كاين في المنطقة تاع عنابة هما نفسهم في كامل الجوايه تاع البحر الأبيض المتوسط :سلاح و أدوات مصنوعة بالحجر ,بلايص وين يتخباو تحت الروشيات ,مقابر مصنوعة بحجر خشين ,الدولمينات .. الخ
من عام 1930, صابوا بزاف بلايص و طوروها: الجبل تاع ايدوغ القديم ,راس الحديد ,راس العسة, لجبال تاع بوحمرا ,المنطقة الغربية تاع عنابة ,بحيرة فتزارة, البحيرات تاع القالة ,الجيهة الغربية اللي حد البحر تاع شطايبي و المرسى . داروا بحوث و دراسات منهجية خاصة في لاري تاع جنوة فورت اللي جاية في شبه الجزيرة تاع راس الحمرا (راس العسة
رسومات صخرية حد لامي و قالمة ,رسومات ليبية في واد الشفية تبين بلي الإنسان كان كاين بكري
بكري: التأسيس تاع هيبون[modifier | modifier le code]
مدينة قديمة فيتيقية تأست في الوقت اللي كانوا يحوسوا ينشروا فيه الحضارة الفينيقية خارج الحدود تاعها الأصلية .التأسيس تاعها كان في الوقت اللي وصلوا فيه هذوا التوالا على الشطوط تاع المحيط الأطلسي مجوايه 2000 سنة قبل الميلاد. من المعروف بلي الفينيقيين يعرفوا في الملاحة البحرية ,لاقيباش عرفوا بلي الخير, الإثمار من الثروات تاعهم و التنمية الإقتصادية ما يقدروش يجيوا غير مورا الحدود تاع البحر .مالا لازم يقطعوا المحيطات و البحار باش يلبوا الأهداف التوسعية تاعهم .بصح المسافات البعيدة بين المدينة الأم ,فينيقيا ,و بين المراكز التجارية الكبيرة ولا المدن الكبيرة اللي جاية حد البحر في القارة خلات الفينيقيين يديروا حوانيت تجارية .لهذ السبب الفينيقيين تاع المدينة تاع تير داروا مدينة أوتيكا في افريقيا القديمة (تونس ضروك) في 1100 قبل الميلاد .اللي تعتبر قديمة بزاف و اللي ,عندها علاقة مع المعنى الإشتقاقي تاع كلمة 'أوتيكا تمثل في اللغة البونية القديمة, واللي عندها نفس المعنى بالعربية. مبعد, جوايه 814 قبل الميلاد تأست قرطاج ولا قطادش .أنشطة تجارية طوروها الفينيقيين ,اللي تحبسهم خطرات بالفلوكات اللي معاهم في طريقهم للبلدان الترتيسية (الجنوب الشرقي تاع اسبانيا ).كانوا هذوا الفينيقيين مجموعة كنعانية سامية جاية من فينيقيا (الساحل تاع لبنان ضروك)
من القرن السادس حتى للقرن الثالث قبل الميلاد, و هيبون (ولا هيبوت) تخضع للسيطرة تاع القرطاجيين .في القرن الثالث قبل الميلاد ,التوحيد تاع المملكة النوميدية ,خاصة في العهد تاع ماسينيسا و الحلفا تاوعوا ,دمج هيبون مع المملكة النوميدية ;رجعت مدينة ملكية ,هيبوريجيوس .هذ الرتبة ترجع و بلا شك للدور تاع البور تاعها اللي يوفر روابط بين البلدان النائية و البحر الأبيض المتوسط
بفضل الفينيقيين اللي جابوا المعرفة و الخبرة تاع كامل الحضارات تاع الشرق الأوسط, هذ الأخيرة رجعت وحدة من المراكز الكبيرة تاع الولاية النوميدية الجديدة الخاضعة للرومان ;نوفا افريقيا. اللي بقاو اليوم يمثلوا المرحلة الرومانية و الآثار تاع التخريب تاعهم و تاع البيزنطيين
التاريخ تاع هيبون مخلط مع تاع قرطاج و دا بشوية بشوية الأخلاق, العادات, الدين و اللغة تاعهم
الخير اللي في قرطاج خلقلها تنافس مع جوارينها. ثلث مجموعات كاينة في المغرب العربي :المغاربة في الغرب, الغتول في الجنوب و النوميديين في الشرق و المركز. نوميديا تقسمت لزوج مملكات :الماسايليون في الغرب و الماسليون في الشرق .الحروب البونيقية شعلت النار في كامل العالم القديم .هيبون و المنطقة تاعها غزاوها الماسليون ,حكمها مالا ماسينيسا الحليف تاع الرومان. هيبون ما عرفتش الإستقلال و السلام غير مورا السقوط تاع قرطاج في 146 .الناس يظنو بلي هيبون خيروها ,في النهاية تاع الحرب البونيقية الزاوجة, كمسكن مفضل تاع الملوك النوميديين ,اللي يعطيها مقام تاع مدينة تاع متعة مورا السقوط تاع قرطاج. راح تتسمى مدينة ملكية لقرن كامل
الخصوصية تاع هيبون في هذ الوقت هي أنها رجعت مركز للفكر الأوغسطيني بقيادة أسقف هيبون ,القديس أوغسطين
هيبون المسيحية( 240 حتى 670 )-القديس أوغسطين(354-430[modifier | modifier le code]
المسيحية قدرت تظهر في شمال افريقيا في البداية تاع القرن الثالث .الإفريقيين اللوالا اللي اعتنقوا هذ الدين الجديد عذبوهم الرومان و سلموهم للوحوشا ,خاصة في وقت الإضطهاد العظيم تاع دقلديانوس( 303-304). السلام تاع ماكسنتيوس (307) حل فترة من التسامح ,مضطربة في الكنيسة تاع افريقيا بالظهور تاع التنويم :بسبب الورث تاع الأسقف تاع قرطاج, جزأ من الكنيسة انفصل بالقيادة تاع دونات ,اللي سبب الإنقسام ,التنويم, اللي يخضع للتسامح و الزجر بالتناوب في حين هو نفسوا ما يترددش باش يمارس الظلم و الإضطهاد الصراع, تاع التوحيد و المادة, بين الكاثوليكية و هذ الإنقسام الإفريقي, يستمر حتى يختفي التنويم في وقت الإحتلال تاع الوندال. في 362 ,الإمبراطور جوليان سمح بالممارسة تاع كامل الإتجاهات المسيحية. بصح في 380 , الإمبراطور ثيودوسيوس اللول اعلن الكاثوليكية الديانة الرسمية تاع الإمبراطورية . بداية من 395 أسقف هيبون أغسطين (مبعد يرجع القديس أغسطين ) طور حجج ضد التنويم .حس روحوا مهدد, ناشد السلطة الإمبريالية; اعلن مرسوم رافينا تاع 412 بلي التنويم ما هوش قانوني. بالنبل تاع وجهات النظر تاوعوا و بالنوعية تاع الكتابات تاوعوا ,أوغسطين دار هيبون مركز تاع الفكر المسيحي في البداية تاع القرن الخامس, و لعب دور رئيسي في الترسيخ تاع المذهب الكاثوليكي و دار الأساس النهائي تاع الكنيسة الحديثة ,اللي رح يعتبر واحد من الآباء و الطبا .محليا, دار دير في هيبون
الغزو الوندالي(533-431)-و البداية تاع العهد البيزنطي (533[modifier | modifier le code]
الوندال (شعب ألماني) حاوزهم الهونيون( شعب بدوي تاع آسيا الوسطى), احتلوا بلاد الغال (406),سبانيا (409),و فاتوا على مضيق جبل طارق في 429 باش يحتلوا شمال افريقيا .كانوا مسيحيين ,بصح يتبعوا راي مخالف للطبيعة تاع المسيح ,الآريوسية (المجلس الأول تاع نيقية اعتابروا بدعة في 325 ).في ماي 430 ,هيبون تحاصرت .المدينة قاومت 18 شهر, بصح المدن اللي مجاورتها انسرقت .في الحصار ,مات الأسقف أوغسطين. الكنيسة سارعت باش تضمن الحفاظ على المكتبة و المخطوطات للقديس اللي راه رايح يجي في وقت قصير بعد موتو .الموت تاع هذ الشخصية البارزة الأرثوذكسية تزامنت مع الهزيمة تاع الرومان في المنطقة على يد الوندال. المدينة رجعت العاصمة تاع جيسيريك و الخلفا تاوعوا ,الحكام تاع غاع شمال افريقيا (المقاطعات القديمة تاع نوميديا و تاع الحاكم[ الشرق الجزيري التونسي] لكثر من قرن, بلا ما نهدروا على سيرتة و قرطاج اللي طاحوا في 439 ).هيبون عاشت مالا فترة تاع هدوء( بصح فان تاع هلاك في غاع المستويات), وهكاك و تزيد بعض الثورات البربرية تخوفها
في 533, بعث الإمبراطورالبيزنطي جستنيان اللول, جيش من القسطنطينية ,اللي كان يقودوا بليساريوس, اللي كان يعتبر نفسه الوريث تاع كامل الإمبراطورية الرومانية ,باش يعاودوا يبينوا للوندال سيطرتهم على شمال افريقيا .المعركة تاع تريكاميرون تمثل السقوط تاع الوندال .بصح بالرغم من غاع المجهودات اللي بذلوها ,البيزنطيين ما قدروش يرجعوا المدينة للمجد تاعها السابق , في الغالب شكلتلهم ,عائق ولا نقطة تاع امداد للأسطول البيزنطي
الفترة تاع السلالات الإسلامية[modifier | modifier le code]
قادوا الإحتلال تاع المغرب العربي من مصر بموجات صغيرة بداية من 647. بصح الصراعات على الخلافة جبرت العرب لبعض الوقت باش يكملوا الحملات تاوعهم. وصول الأمويين للسلطة يصادف استئناف السياسة تاع التوسع .عينوا العرب في الغزو تاع" جزيرة المغرب العربي". وفي هذ الحملة الزاوجة تعرضت نوميديا الشرقية للغارات اللولة من الجيش العربي .قريب 666 ,من القوات تاع معاوية ,بعد ما غزاو جربة و بنزرت بوقت قصير, ريحوا في هيبون .المحمية بحيطان متينة و تدافع بالقوات البيزنطية المدة تاع الحصار تاع المدينة كانت قصيرة;العرب ما راحوش منها غير بعد ما انحرقت جزئيا في الوقت اللي كاتوا فيه البربر البيزنطيين و العرب يتقاتلوا هيبون عرفت بعض النشاطات المتجددة على جال الهبوط تاع حامية عظيمة جات من القسطنطينية اللي قوات سلطتهم على كامل البلاد من جديد .التأسيس تاع القيروان ,في 670 على يد عقبة ابن نافع ,يمثل التمركز النهائي تاع العرب في افريقية( تونس و شرق القسطنطينية
بعد الفتح النهائي تاع قرطاج في 698 هيبون رجعت ملجأ للقرطاجيين و مبعد دمروها العرب بعد ما داروا حد للمقاومة تاع السلطة الإمبريالية البيزنطية
المدينة البربرية,النوميدية ,الرومانية و البيزنطية القديمة ,استرجعت جزئيا, مورا ما ادمرت جزئيا في 666 و تكيفت مع الأسلوب تاع الحياة الشرقية الجديدة
مالا هيبون القديمة سماوها العرب "مدينة سيبوس" و من بعد رسميا "بونة" ,ساهلة في النطق على هيبون .بعض القبائل البربرية المهزومة اعتنقت الإسلام و ساهمت هي بدورها في توسيعو
في البداية تاع القرن الحداعش, تخلاو على المدينة الجديدة لموقع جديد اللي جاي بعيد ب 3 كيلو من شمال اللول
(المدينة الجديدة "بونة الحديثة" (" بونة نوف") اتبنات على 40 كيلو تاع علا , عكس القديمة اللي جاية حد البحر( 1 حتى 3 مترات تاع علا
من عام 1040 ,دوروا على المدينة بحيطان باش يقووا الدفاع تاعها الطبيعي .الصنهاجيين, اللي أسسوها داروا مركز تاع الدفاع و المراقبة
بونة رجعت بور تاع المبادلات التجارية من القرن الحداعش حتى للقرن التسطاعش
في 1135 ,ملك صقلية, روجر الزاوج, اللي أصلوا بدوي , احتل مدينة بون و حكمها مع وليدو وليام اللول لبعض السنوات حتى ل1158. وليام اللول ملك صقلية معروف عليه بلي يستضيف العلما و الأدبا في باليرمو و خاصة الجغرافي الكبير الإدريسي (1100-1165) .وليام اللول تراجع من بعد لمهدية 475 كيلو شرق حتى ل 1160
الفترة تاع العثمانيين و السبانيوليين[modifier | modifier le code]
الإمبراطور شارل الخامس بعث أسطول اسباني باش يحتل بونة (القلعة تاع عنابة )في 1535 .أمر بتدمير الحيطان اللي يربطوا بونة بالقلعة .بصح العشرات من الجنود الإسبان ماتوا في المواجهة تاع الحصار البحري تاع الأتراك و العداوة تاع السكان. في عام 1540 , أمر شارل الخامس بتخوية بونة
بعد ما رجعوا بونة ضد القوات تاع شارل الخامس ,السلطات التركية حصنوا المدينة وغلبوها على بلارج قوي . باش يربطوها بالمستعمرات تاعها الغربية الأتراك قرروا باش يدخلوا المدينة و منطقتها في ايالة الجزاير
بونة ظهرت باسم جديد" مدينة العناب ",ولا عنابة ,اللي راح يدي بشوية بلاصة الإسم تاعوا القديم 'بونة', في النهاية تاع القرن 19 حتى لليوم
الوظيفة تاع المبادلات التجارية خاصة مع الخارج ,تصنع من عنابة و المنطقة تاعها واحدة من اللوحات تاع تأسيس وكالات تجارية أوروبية ,بدايات تاع تنمية اقتصادية هامة
الفترة تاع فرنسا (1830-19662[modifier | modifier le code]
القوات الفرنسية ,على راسهم ,آن ماري جان رينيه سافاراي ,النبيل تاع روفيغو ,اللي تسيطر على الجزاير, راهي تحوس توسع النطاق تاع فرسا للشرق و ترجع بون, اللي احتلها المرة اللولا الجنرال دامريمون في 1830, و المرة الزاوجة الجنرال هودار ,في1831 ;بصح احتلوها مرتين ,كان لازم يخووا المدينة في ظروف صعيبة بزاف لاقيباش ماكاش قنوات تاع اتصال آمنة
في أفريل 1832, الكابتان ادوارد بويسون آرمندي قعد في بون مع المدافع تاوعوا .آرمندي بعث للنبيل تاع روفيغو, في العاصمة ,مذكرة تشرحلو بللي بثلاثين بحار من بيرنيز ,داو القلعة تاع بون بصح راهم يواجهوا في 5000 راجل تاع باي قسنطينة .راهم يستناو في الدعم . الليامات اللوالا كانوا صعاب و الماكلة تخص .و أخيرا ,في النهاية تاع 8أفريل, الدعم وصل مع العميد المفاجأة .يقول المرشال نيكولا جان دي ديو سولت, الوزير تاع الحرب في المنصة تاع الغرفة "السيطرةعلى بون هي من أعظم الأعمال تاع أسلحة القرن
بون قعدت تحت الإدارة العسكرية حتى ل 17 فيفري 1845 .الأرض تاعها تحددت بالأمر تاع 12 فيفري 1844 . اتبنات في وظيفة المفصل الكامل بالأمر تاع 31 جانفي 1848 .البلدية تاعها تنظمت بالقرار تاع 8 جويي 1854
التنمية الإقتصادية تقدر مالا تتواصل مع التطور تاع بون بالأعمال الكبيرة في سهل بونوازاللي في الأصل مستنقع ,رجعت منطقة مزداهرة بفضل الثقافات النباتية, الكرم و البساتين . الشراب تاع بون راح ينعرف و ينشهر حتى لباري في وقت الحكم تاع نابليون الثالث و السيد هوسمان
واد سيبوس اللي يروي هذ السهل, يروي الأراضي اللي حدوا ,و يرفه المنطقة بثاقافات جديدة
الصناعة اطورت فان بزاف, مع الوزين اللي يعالج الفوسفات, بزاف تعاونيات زراعية ناجحة ,تطوير البور التجاري تاع بون ,اللي مجهز بأحدث الوسائل تاع المعالجة .من البور تاع بون تروح بزاف أنواع تاع حديد اللي جايبنهم من جبل الكويف و الونزة لفرنسا ,و تجي غاع المعدات التقنية ,الميكانيكية ,الكيميائية و الزراعية لكامل المنطقة الشرقية تاع قسنطينة .غاع الموارد البشرية و المقاولين الإقليميين صنعت من بون وحدة من أغنى مدن الإدارات الجزايرية
الحرب العالمية اللولة و الزاوجة ,و زيد ادخال الشباب في الجيش ,وصلوا فان لبون.في 4 أوت 1914, بون ,فان كيما سكيكدة ,تفجرت بالسفن الحربية تاع الألمان غوبن و برزلند اللي قتلو بزاف ناس
في الحرب العالمية الزاوجة, بون كانت القاعدة تاع عمليات الجيوش البريطانية و الأمريكية اللي هبطوا في 13 نوفمبر 1942 من البر و من البحر.بون تعرضت لتفجيرات قوية في الشتا تاع 1942-43
رئيس الجمهورية فنسنت أوريول عطا الصليب تاع الحرب للمدينة في جوان 1949 على جال البطولة و الشجاعة تاعها في وجه القوات الألمانية
القانون رقم 55-1082 تاع 7 أوت 1955 خلق القسم تاع بون اللي تمثل العاصمة
في 1958 ,بون كان فيها 100000 ساكن و واصلت التطور تاعها
_1944.jpg)
الحرب العالمية اللولة و الزاوجة[modifier | modifier le code]
في 4 أوت 1914, انطلقت التفجيرات البحرية اللولة على بون و سكيكدة .قدروا العدد تاع القذائف اللي انطلقت على المدينة ب 140 قذيفة. الأهداف المقصودة هي لاغار تاع التران , الوزين تاع الغاز, الكازيرنات ,البور و راس العسة .هذ الحرب قعدت ربع سنين و مست كامل البلاد
في سبتمبر 1939 اندلعت الحرب العالمية الزاوجة .هزمت لالمان النازية غاع الخصوم تاوعها حتى ل 1942 ,بريطانيا ما تقدرش توقف وحدها ,كون مشي بالفضل تاع حماية المحيط. البريطانيين و الفرنسيين الحرين يقدروا فان يدافعوا بمشقة على مصر ضد قوات المحور.
جبهة ثالثة نحلت في 1941 كي رجع هتلر ضد الحليف تاعوا ستالين .الحرب انتشرت في غاع شمال افريقيا في نوفمبر 1942 ,كي سقطوا الأنجلوا أمريكيين في شمال افريقيا الفرنسية (أ ف ن) مع 100000 ألف جندي, و عاودوا نظموا الجيش الفرنسي تاع افريقيا بمعدات حديثة
القوات الأمريكية هبطت في بجاية, سكيكدة و في بون وواحد ما عارضهمش. بصح المصير تاع بون خطير بزاف بسبب انعدام دايرة الطيران المدني و الطيارات
في نوفمبر 1942 , قاست طيارات نازية بومبات مميتة على بون .هذ التفجيرات استمرت حتى ل 30 جوان 1943 .الهدوء رجع كي الحلفا احتلوا الطاليان
على حساب مصادر رسمية ,في ثمن شهر, 1800 بومبة انطلقت على المرسى تاع المدينة تاع بون. عدد الضحايا المدنيين هو 164 ميت بينهم 123 من المسلمين, 202 مجروحين بينهم 113 من المسلمين. أما بالنسبة للضحايا العسكريين ,كان كاين 885 جندي حليف
المدينة تزينت ,في 11 نوفمبر ,1948 بالصليب تاع الحرب 1939-1945مع نخلة من البرونز
الإستقلال[modifier | modifier le code]
الإستقلال تاع الجزاير في 1962 خلا السكان الأوروبيين و اليهود يروحوا من المدينة .في الجزاير المستقلة, المدينة عرفت زيادة سكانية سريعة يغذيها النزوح الريفي, حتى توصل لكثر من 400000 ساكن اليوم في التجمع تاعها الضخم
الإقتصاد[modifier | modifier le code]
الصناعة[modifier | modifier le code]
المدينة تاع عنابة تشكل القطب الصناعي الزاوج تاع البلاد بعد العاصمة .المدينة بلاصة مهمة للصناعة تاع الحديد, مع المجمع تاع الحديد تاع الحجار- الكبير غاع في افريقيا -الخوصصة في 2001 و التأميم في أكتوبر 2013 بعد تحويل 51% من راس المال للسيطرة تاع الدولة الجزايرية بمعاودة الشرا تاع الأسهم تاع أرسيلور ميتال اللي مازال المقاول الرئيسي تاع الموقع .جاية بعيدة ب 8 كيلوا على جنوب المدينة ,تغطي 800 كطار, مرتبط مع الإستغلال تاع المناجم تاع الونزة و بوحجار ,يشمل زوج فورناوات عاليين ,ثلث مصانع تاع حديد و تاع الدرفلة سخونة ,باردة ,و سلوكة مدورين. الصناعات تاع المعادن كاينة في مجمع الفوسفات تاع سيبوس وفي مجمع المعادن في علليق
القطاع الصناعي مهم في عنابة و يركز خاصة على الأغذية الزراعية, صناعة المعادن ,اللوح و المشتقات تاوعو, و البنيان
المناطق الصناعية محتلة كثر من 400 كطار بين بونت بوشي ,مبودجا, برحال, خرازة .المراكز التجارية جاية في الجوايه تاع المدينة ,في سيدي سالم ,العلمة وواد العنب. التوسع تاع المنطقة الصناعية تاع عنابة مرتبط ببنيان مدن جديدة في درعة الريش, على بعد 20 كيلو
السياحة[modifier | modifier le code]
المدينة تاع عنابة وحدة من المدن السياحية الرئيسية في الجزاير بصح الأجانب ما يروحوش ليها بزاف. داروا مخططات تاع التنمية السياحية في عنابة اللي رايحين يستغلوها باش يحسنوا هذ القطاع في لعوام الجاية, فيها سهول واسعة على طول لجبال, كيما لجبال تاع الإيدوغ المدينة فان الضواحي تاوعها محدودة ب 40 كيلو تاع سواحل, الشطوط تاوعها تجذب الآلاف من السياح المحليين
المدينة فيها بزاف شطوط :سيدي سالم ,خوانو ,فيدرو, شط ليهود, القديس كلود (رزغي رشيد ),شابوي (ريزي عمور) ,الخروب (خروبة), توش (رفاس زهوان ),عين عاشير
السكان[modifier | modifier le code]
سجل في مدينة عنابة 257 359 ساكن في 2008( التعداد العام تاع السكان والسكاني). الضواحي تاوعها سجلوا 359 657 (مع 111 956 ساكن في البوني في 1999 ).ايلا زدنا معاها الحجارة و سيدي عمار, اللي الأطراف تاوعهم قريب يتلاقاو, قريب 500000 واحد اللي ينتمو لعنابة الكبيرة
الإدارات[modifier | modifier le code]
القائمة تاع الرؤسا تاع ليمير[modifier | modifier le code]
القائمة تاع ليمير متابعين
| الفترة | الهوية | اللاصقة | الصفة | |
|---|---|---|---|---|
| المعطيات اللي يخصوا كملوهم | ||||
التوأمة[modifier | modifier le code]
المدينة ناع عنابة توام مع مدن بزاف
- تونس (تونس
- المنطقة الريفية تاع دونكيرك( فرنسا
- سانت اتيان( فرنسا )من 1982
- بنزرت (تونس) من 1985
- بيكاتيرينبرغ (روسيا )من 14 أوت 2009
الحياة اليومية[modifier | modifier le code]
.jpg)
الرياضة[modifier | modifier le code]
الفريق تاع البالون تاع عنابة هو الإتحاد الرياضي لمدينة عنابة دا الشومبيونا تاع الجزاير في 1964 ;يلعبو حاليا في دوري الدرجة الزاوجة بعد ما هبطوا في 2011
الستاد تاع المدينة ,هو الستاد الكبير الزاوج في الجزاير مورا الستاد تاع 5 جويي تاع العاصمة يسموه الستاد تاع 19 ماي 1956 اللي يتكون من الحشيش .
يرفد قريب 50000 بلاصة. الألوان التقليدية تاع ليكيب هي الحمرا و البيضا
الدين[modifier | modifier le code]
الأغلبية تاع السكان تاع عنابة مسلمين . بصح ,كاين جماعة مسيحية تأسست كي كانت محتلتنا فرنسا .تتكون من فرنسيين ,مالطيين, سبانيوليين ,طاليانيين و شوية من الإفريقيين. عنابة تقعد معروفة عالميا بالمنطقة الأصلية تاع القديس أوغسطين .الندوة الدولية اللولة اللي تخص الأب تاع الكنيسة الكاثوليكية والفكر تاعو, تنظمت في المدينة في أفريل 2001 .هذ المدينة هي المنظمة تاع الحجاج المسيحيين اللي جايين من معظم دول أوروبا. الكنيسة تاع القديس أوغسطين الي كملت في 29 مارس 1900,هي كنيسة قاصر من 24 أفريل 1914 و الكنيسة الموالية للكنيسة الكاثوليكية تاع قسنطينة من 1964
الموسيقى[modifier | modifier le code]
عنابة هي مدينة تقليديا معروفة بالمالوف ,نوع موسيقي معروف بزاف في شرق الجزاير, يمثلها الفنانين حسان العنابي, حمدي بناني ,الشيخ ديب ,مبارك دخلة ,سليم هلالي و علاوة الفار .المدينة يمثلها فان أنواع موسيقية تقليدية وحدوخرة كيما الفرق تاع عيساوى ,الفقيرات ولا المعاصرين كيما الموسيقى تاع الراب مع المشهورلطفي دوبل كانو. الموسيقى تاع الروك هي ثان كاينة بزاف كاين ثان, فرق تاع روك بلا موسيقى وثان فرق تاع موسيقى . تنظمت احتفالات سنوية بداية من 1999 .القصبة الشاوية دخلت ثان في الموسيقى العنابية و بزاف أسماء تاع ضروك تاع هذ النوع تاع الموسيقى معروفين في غاع الشرق تاع البلاد كيما فلة العنابية ,الشابة جميلة و مراد العنابي
الطياب[modifier | modifier le code]
الكوزينة العنابية تأثرت ببزاف فتوحات و حضارات, تتكون أساسا من منتجات فيها البنة تاع البحر الأبيض المتوسط . المواكل الخاصة بعنابة جمعت ثان طيابات جزايرية تقليدية , تخصصات كيما
- البوراك العنابي
- الشكشوكة
- الجاري
- الكريبوني
- المرقة الحلوة
- الملوخية
- الكاستل
شخصيات مربوطة بعنابة[modifier | modifier le code]
- القديس أوغسطين تاع هيبون, فيلسوف و لاهوتي مسيحي ,الأسقف تاع هيبون ,مات فما في 28 أوت 430
- سليم هلالي , زاد في 30 جوييي 1920 في بون , ضروك عنابة في الجزاير 1,2 و مات في 25 جوييي 2005 في كان( ألب ماريتيم )في فرنسا, كان مغني جزايري غنى الموسيقى العربية الأندلسية و الشعبية
- سليم باشي, كاتب جزايري زاد في عام 1971
- أحمد البوني ,كاتب تاع العصور الوسطانية , الكاتب تاع شمس المعارف الكبرى, السليف تاع نوستراداموس
- ابن العنابي ,لاهوتي ميت في 1850 ,عاش في مصر
- ادوارد بوني, محامي فرنسي ,تبدل قريب من دار الشرع تاع 1842 حتى 1844
- ألفونس جوان ,ماريشال فرنسي زاد فما , في 16 ديسمبر 1888
- فالانتين براكس, رسام ,زاد فما في 23 جويي 1897
- حسن دردور, مؤرخ , عالم فلك و موسيقي, زاد في 1911 و مات في1997
- حسان العنابي ,كوميدي و نجم تاع المالوف العنابي( 1925-1991 )عاش فما
- حمدي بناني ,موسيقي و مغني المالوف ,(1943 ),جزايري ,عاش فما
- ادوج فينش ,ممثل فرنسي طالياني, زاد فما في 24 ديسمبر 1948
- جان تشارلز الناعوري ,رجل أعمال ,زاد فما في 8 مارس1949
- يوبا اللول, الملك النوميدي التالي
- غايا, ملك ماسيلي التالي(نوميديا الشرقية
- غوي بيدوس ,كوميدي و خيالي, فوت صغروا و المراهقة تاعوا فما
- عمر طباخة, ملاكم دا شومبيونا تاع شمال افريقيا و حصل على الميدالية الفضية في الألعاب الأولمبية تاع هلسكني (فنلندا) في عام 1952
- بشير بلونيس ,فنان رسام و نحات مشهور( 1950-2003 ) الأغلبية تاع حياتوا عاشها فما
- زهية داهل حبريه, رسامة و نحاتة, زادت فما في 11 فيفري 1952
- العياشي حميدوش ,فنان و رسام, زاد في 13 أكتوبر 1947 في عنابة
- روجر ويدنلوشر ,رسام تاع الكاريكاتير ,زاد فما في 3 جوان 1953
- فيل بارني مغني متنوع ,زاد في 2 فيفري 1957
- كمال العباسي, رئيس تاع الفرقة الموسيقية العربية الأندلسية ,زاد في 20 جوان 1962
- محمد بوضياف, رئيس الدولة الجزايرية ,وين قتلوه في 29 جوان 1962
- ايلين كونواي موري ,وزيرة منتدبة للفرنسيين في الخارج في حكومة جان مارك أيرولت الزاوج ,زادت فما في 13 سبتمبر 1960
- لطفي دوبل كانو, مغني تاع الراب ,زاد فما في 1972
- محي الدين عميمور, زاد فما في 18 ماي 1935 ,سياسي جزايري
- سعيد براهيمي , لاعب دولي تاع البالوا الفرنسي و مبعد الجزايري زاد في 14 مارس 1931
- زاوي ,الأمير تاع زيريد تاع الصنهاجيين, المؤسس تاع مدينة زاوي ,بونة الحديثة
تصاوير[modifier | modifier le code]
-
منظر لمدينة عنابة من العلالي تاع سرايدي. -
-
-
-
شط مع حصن من الرول, في الطريق تاع راس العسة, بون (عنابة) (الجزاير). زيت على الكتان تاع ألسيد باريتو( 1862-1943 .
- populstat.info.
- Wilaya d'Annaba— Population résidente par age et par sexe. Consulté en avr 2012.