Utilisateur:Soufpirate02/Brouillon
حياة حسيبة بن بوعلي[modifier | modifier le code]
حسيبة بن بوعلي زادت ف18 جونفي 1938 في لصنام (يسموها ضروك الشلف) بوها (بويها باباها ) كان طبيب سبيسياليست وأصلو مشلف و مو (يماه) أصلها ملقبايل من تاع نايت سعادا فالعام 1947 سكنت هيا و لدييها فدزاير في بلكور وين قرات ثانوي فاليسي الكروة و ولات دير سكوتيزم وراحت حتى لوروب ل خالاها تتعرف على الحالة المرنكة لي عايشها شعب دزيري المنفي في عام1954 كان عمرها ستعش (16) سنا دخلتل فاالاتحادالعام للطلبة المسلمين الجزائريين هادي كانت تقليعة لولا فلوطنية وكملت فيها حتى وين ما ماتت فلثورة دزيرية كانت حسيبة هيا و يماها مع وحد الجمعية خيرية كانو يسموها الطاس تاع الحليب وين قدرت تحس بالميزيرية لي تشوفها المرا . كانت تخدم مطوعة فاالسبيطار تاع مصطفى باشا وهدا بفضل الطبيب تاع عايلتها (الدكتور مارشيوني ). كانت تقرى دروسا فكيفاه تنقد وكدا قدرت تجيب محاليل للبومبات.كانت بيضة وعينيها زرق وهدا خلاها تدخل و تخرج بلا ما يرودولها الولها كانت تخدم مع زوج طلاب (عبد الرحمان طالب و دانيال تيمسيت ) فلبومبات و كان معاهم ياسف سعدي في بير خادم وين كانو يصنع وينقل ويدير العمليات ,ومبعد كتشفو الفرنسوين المضرب ليي .يصنعو فيه وقضاوعلى ياسف اما حسيبة كملت هيا تصنع البومبات بتخبية
الموت تاع حسيبة[modifier | modifier le code]
و في 8أكتوبر 1957 صابوها في دار هيا و علي لابونت وعمر الصغير وحميد بوحميدي في دار ساركلاوهم و هبطو بليباراشيد وكي مابغاوش يرونديو طرطقو بيهم الدار . ومن زهرها الجامعة تاع شلف حملت إسم حسيبة بن بوعلي هيا وليسي تع القبة وزنقة في دزاير العاصمة لي تبدا من رويسو حتى لزنقة الكولونال عميروش.
