Utilisateur:Avatea/Brouillon
Ua hāmani hia ʼo Matilda i Farāni e ua ʼāvari hia i te matahiti 1779. Ua riro ʼoia i te hōʼē pahī tāiʼa tohorā nō te hōʼē taiete peretane Camden, Calvert and King (en), na te tāpena ʼo Matthew Weatherhead i raʼatira i taua pahī ra. Ua fano atu rātou i te fenua New South Wales e i roto i te moana pātitifā i te matahiti 1790[1].
Ua tāpaʼo hia teie pahī e to na tāpena Weatherhead i roto i te hōʼē puta rahi Lloyd's Register i te matahiti 1791, e ʼo Calvert & Co. na fatu pahī, e nō te tapihoʼoraʼa i roto pū ia Ronetona e ʼo Botany Bay[2]. Tei reira matahiti, ua tārahu hia ʼoia na Samuel Enderby & Sons (en) nō te utaraʼa i te mau mauʼāuri mai Peretane haere atu i Australia i roto i te faanahoraa ʼo te third fleet.
Ua faʼaruʼe ʼoia i Porthsmouth i te 20 nō Māti 1791 e ua tāpae i te mahana mātāmua nō ʼĀtete i Port Jackson i te fenua ra ʼo New South Wales.[3] Ua faʼa uta ʼoia e 250 taʼata faʼautuʼa hia e ua faʼaruʼe mai 25 taata i roto i to rātou tere.[4] Ua tīaʼi hia teie mau mauʼāuri na te ahuru ma iva faʼehau e te tahi mau taʼata maʼitihia nō te reira ohipa nō New South Wales Corps. Ua tātāʼi hia teie pahī i te tāpaearaʼa tu i Port Jackson.
Te vaihoraʼa atu rātou teie mau mauʼāuri, ua faʼariro tura Wheaterhead teie pahī Matilda e pahī tāiʼa tohorā i tua i te fenua ra ʼo Van Diemen's Land[5].
Te mau haʼamaramaraʼa no roto mai te mau papaʼi o te fare ʼupu nō New South Wales : ua fano atu Matilda i te fenua Initia i te ʼāvaʼe Novema [6]. Ua fano atu paha ʼona i te fenua Matuita ma.
Te Moʼeraʼa Ua iri ʼo Matilda i nia i te hōʼē motu one i te 27 nō fepuare 1792, ua piʼi hia teie motu ʼo Matilda. (o Frederick Beechey nō HMS Blossom tei ite te toeʼa ʼo taua pahī ra, e ua haʼapāpū ʼoia te motu ʼo Matilda ʼo Moruroa ia)
E 21 taata horopahī e hōʼē horopatete tāponi ʼo te faʼaora hia mai. Ua faaora mai ʼo Capitaine William Blight te tahi mau taʼata i roto i te oʼoʼa ʼo Matavai, e ua faʼaʼoramai ʼo Jenny e ʼo Britannia te toeʼa ʼo te mau taʼata. E ono taʼata tei pātoʼi te parau faʼahoʼiraʼa i te fenua Peretane e ua hinaʼaro rātou e faʼaea i Tahiti.
- Clayton 2014, p. 171.
- (en) « Lloyd's Register (1791), Seq. № M538 », sur HathiTrust
- Bateson 1985, p. 115-6.
- Bateson 1985, p. 133.
- « Matilda Crew List », Whaling History
- « Arrival of Vessels at Port Jackson, and their Departure », {{Article}} : paramètre «
périodique» manquant, , p. 17 (lire en ligne, consulté le )