Latina: Historia naturalis palmarum - Tab 33 - Elaeis melanococca (syn. Elaeis oleifera), Iriartea exorrhiza (syn. Socratea exorrhiza) Tab. 33. Iriartea exorhiza et Elaeis melanococca in fluvii lignorum ripa depietae, nagnitudine centies imminutae. Reduces anno 1820 e tristibus, qui fluvios Solimoẽs et Japura obumbrant saltibus, quum ad magni lignorum fluminis sive Madeirae ostium pervonissemus, multis attracti rumoribus, quos da Indicis Maué atque Mundrueú gentibus, tanquam validissimis et variis artibus excultis Lusitani spargebant, ad illorum pagos secundum canalem Abacaxis et lacum Canumensem naves fleximus. Haud multum intra diversarum insularum per fluminis ostium sitarum labyrinthum processimus, quum jam novi consilii poeniteret et fluminis nigri littora lacta benignoque hostpitio navigantes excipientia in memoriam non sine desiderio revocaremus. Quidquid enim natura horribile foedumque habet hac in navigatione perpessi sumus. Interdiu cymbas, funibus ad ripae arbores ligatis, adverso flumine trahentes, illius impetu, toto coelo fulguribus corruscante, imbreque ventutque inter immania tonitrua furentibus, hue illue jactati et arboreum imminientium casu territi, laboriosissimum vitam egimus; nocto vero, quum juxta ripam substitissemus, circumfusa profunda ealigine, silentibus praeter simias tigresque omnibus animalibus, culicum denso agmine grassantium ictus toleravimus. Neque haec solummodo animalia hic saeviunt, fluvius enim immensa devastatur multitudine piscis cujusdam, Piranha dicti, voracissimi atque sanguinis enpidissimi, nee non Crocodilorum, qui calores diurno alleeti e turbulentis aquis in ripam surgunt, visu horrendi. Arbores altae a fluminis ripa paulo remotiores, e Bertholletiae, Lecythis, Styracis, Heistriae, Turraeae, Siphoniae, Machaoniae, generibus, saepe parasiticarum Besleriae, Gongorae, Epidendri splendentibus floribus vel Aroidearum atque Filicum laetis frondibus adornatae, variis speviebus Abromae, Potaliae, Hirtellae, Bignoniae, Pterocarpi, Dimorphae, Galipeae, Blackeae, Coffeae, Hameliae, Psychotriae, Theobromae densissime obvallantur, ita ut, quem Smilacis, Cissi, Aristolachiae varii inplexus vel Hisingerae, Solani, Büttneriae spinae non terreant, illarum septa non sine magno labore serpentumque venatorum periculo adire posset. E Palmarum familia hic frequenter occurrunt Iriartea exorhiza atque Elaeis melanoeocca, altera altitudine et comae elegantia, altera crassitie et decubitu insignis, egregiumque hoc contubernium colit Uraniae species, Pacova-Sororoca incolarum, enormibus frondibus tamquam Musa conspicua, quam Uraniae amazonicae nomine alio loeo describemus. Haec sunt quae ad explicandam iconem necessaria videbantur