Utilisateur:Nemla chaba/Brouillon

بغرير كلمة اصلها بربري يخدموه في بلاد المغاربة.هو فطيرة تنصنع من اسميد.خميرة و ملح.ينتكل سخون و مسقي بزبدة و عسل.يسموه بالشاوية خرينقو.ادرنان.ثريقن.ثوفيست و بفرونسي يقولولو الف ثقبة .بغرير يطيب غير على جيهة وحدة و فوقت طياب تولي تبان وحد الثقبات صغيورة تاع واحد ولا زوج ميليمتر من الجيهة الفوقانية.

في بلاد مغاربة هادو فطيرات ياخدو بزاف اسامي.يقولولو خرينقو بوهرانية في لجيهة شمالية غربية مدزاير. يسميوه ثاني حنية تيبواجاجات ولا تعريفن عند قبا.

يتسمى كورسة في قسنطينة و سكيكدة. غرايف فشرق جزائري( عنابة.جيجل.ميلة.سكيكدة و سطيف) فدزاير ينتكل بغرير حلو ولا مالح .ينتكل حلو مع لاتاي و قهوة على حساب لمنطقة..فالجزاير لعاصمة يتسقى بسيرو تقليدي بالما ورد و .قرفة..فقبايل يترش بزيت زيتون و سكر.و فبلايص لخرين بغرير يكون بزبدة و عسل .فقبايل و غرداية كاين وين ينتكل بغرير مالح.تنحط فطيرة فوق ختها و ينحط في وسطهم بصل و طوماطيش و لحم