Utilisateur:Khadidjaa chouib/Brouillon
وهران تتنطق وهرن محليا بلبربرية وهرن مسمية بلباهية هي لولاية زاوجة فلجزاير من حيث لكبر و من لولايات لمهمة فلمغرب لمينا تاعها يطل على لبحر لمتوسط جاية فشمال لغربي تاع لجزاير بعيدة على لعاصمة ب 432 كم و لعاصمة تاع لولاية بنفس الاسم عندها حدود مع لبحر تاع وهرن هذي لمدينة يحدها مشمال خليج مفتوح وملغرب جبل لعيدور ولا مرجاجو الي لعلا تاعو يوصل ل 580 ميترا و فان هضبة تاع مولاي عبد لقادر لجيلاني هاذ لمدينة يحدها من جيهتين واد يسموه واد رهي بناوها لاندلوسيين ف 902 وهرن عرفت سلالات متسلسلة عربية و بربرية احتلوها لاسبان ف 1509 و انحتلت للمرة تالية فعام 1792 من طرف لباي محمد لكبير و صبحت لبلاصة الي يقعد فيها لبيلك تاع لغرب و فوقت لاستعمار لفرنسي عرفت تطور سريع وين رجعت لمدينة زاوجة فلجزاير منبعد لاستقلال بقات هي عاصمة لاقتصاد تاع لغرب لجزايري و لمركز رئيسي لمالي و تجاري و صناعي و ف 2008 لبلدية كان فيها 609940 نسمة فحين كان سكان وهرن 1000000 نسمة
لموقع
وهرن جاية على لشط لجنوبي تاع لبحر لمتوسط فشمال غرب لجزاير بعيدة على لعاصمة ب 432 كم من جيهة لغرب هاذ لمدينة جاية فلجيهة رولانية تاع خليج محلول فشمال خليج وهرن و يحدها من لغرب جبل لعيدور429 م ارتفاع الي يفصلها على بلدية لمرسى لكبير فلجنوب يحدها بلديات سينيا و هضبة مولاي عبد لقادر لجيلاني مول لمايدة ومن لجنوب لغربي سبخة كبيرة و بير لجير تحدها من لجيهة شرقية