Utilisateur:HENNI Asma/Brouillon
=OUm Kaltoum==[modifier | modifier le code]
ام كلثوم و اسمها الكامل ام كلثوم ابراهيم السيد البلطاجي هي مغنية وفنانة مصرية زادت في شرم الشيخ نهار 30 ديسمبر 1808 وماتت نهار 3فيفري 1975 فالقاهرة
يعيطولها شمس الشرق وبعد ما ماتت ب40سنة زادو الناس عرفوها كثر ولات من بين اهم الفنانات فالعالم العربي ومن كثرة ما شاركت في بزاف اعمال خيرية و عاونت
بزاف ناس حتى سماوها مطربة الشعب
الشباب تاعها
ام كلثوم زادت 30ديسمبر 1808 في شرم الشيخ في مصر كانت عايشة في عايلة زوالية عندها 2خاوتها وهي الثالثة ختها الكبيرة فايتتها ب10سنين وخوها خالد بعام.امها سموها فاطمة الملجي ما تخدمش قاعدة فدار و باباها الشيخ ابراهيم السيد البلطاجي كان امام باه يعاون روحو ويعيش ولادو كان يغني الاناشيد الديتية فلعراس فلفيلاج الصغير ليكان عايش فيه ام كلثوم عاشت مع العايلة تاعها فوحد المدينة صغيرة سموها السينبيلاوية جاية حذا النيل
بدات تغني ودات هاذي الموهبة من باباها كيكان ينشد قدامها وكانت تحفظ الغنا وتعاودو كيشاف باباها الموهبة تاعها وسمع صوتها عجبو وطلب منها تزيد تقرا على الفن وتتعلم الغنا
كانت صغيرة بزاف كيبدات الموهبة تاعها تبان باباها قصلها شعرها كيما الذكورة باه يدخلها تغني فلمناسبات كيما المولد حتى كتشفها الفنان الشيخ عبدو وفان ووحداخر يلعب البالون
سموه زكريا احمد .هاذو زوج طلبو منها تروح معاهم للقاهرة كي ولا في عمرها 6سنين قبلت تروح ومن فما بدات حياة جديدة
النجاح[modifier | modifier le code]
زوج اجتماعات بدلولها حياتها الاول كان معا احمد رامي شاعر كبير عطاها 137غنية وورالها الادب تاع القور واللقاء الزاوج كان معا محمد قسبجي لي فتحلها قصر المسرح العربي و هاذا الشئ زادها نجاحات كبيرة اولها (خيانة الحب في عينيه) عام 1932 هاذا المسرح منوع لي يبدا الجولة تاعو من الشرق دمشق,بغداد,بيروت,
طرابلس و تونس. هاذي الشهرة سمحتلها فان باه تتلاقا بناصر عام 1948لي ماكانش يخبي حبو ليها.نقدرو نقولو انو رسم الحب تاع مصر لهاذي المغنية;حب متبادل لانو ام كلثوم عطات بزاف في سبيل حب الوطن. بالتوازي مع المسيرة الغنائية تاعها بغات تزيد تجرب السينيما(وداد 1936,اغنية الامل عام 1937;دنانير 1940;عايدة 1942;وسلاما1945وفاطمة عام 1947بصح هجرو بلخف الفن السابع ) .في عام 1953 تزوجت الراجل لي تبغيه و تحتارمو هاذا الراجل كان طبيبها من فترة قديمة يسموه حسان الحفناوي .ام كلثوم حرصت بواف باه تضمن شروط لي تسمحلها تطلق اذا تحتمت عليها في يوم من الايام كان عندها بزاف مهرجانات عالمية ;اول ظهور ليها كان بالغرب في فرنسا في اوليمبيا .دارت ادائين اسطوريين في 13/15 نوفمبر 1967;برونو كوكاتريس كان لازم يكون الفنان الاعلى باش يلعب في الاولامبياد ;ومصر هي لي تخلص. مع الصوت القوي و الجميل تاع ام كلثوم (ماريا كالاس قالت على صوت ام كلثوم انو صوت ماكانش كيفو ___14000اهتزاز فالثانية) ام كلثوم تغني الدين ;الحب و الامة المصرية .صحبة الرايس تاع مصر الناصر .ام كلثوم ساهمت بزاف في تشكيل الامة و الوحدة المصرية ,شوية مور الحرب تاع 1967 مع اسرائيل ,دارت مجموعة مالمهرجانات الوطنية و العالمية وين كانت تمد الدراهم لي دخلهم للحكومة المصرية .
وفاتها و جنازتها[modifier | modifier le code]
من عام 1967 بدات ام كلثوم تعاني من الكلاوي وفي جانفي 1973 دارت الحفلة التالية تاعها في قصر النيل .التعيارات لي دارتهم في لندن ماجابوش نتيجة كيكان راجلها يتبعها
فالماريكان استفادت شويا من الدوا و الطبا تاع لهيه .مبعد دخلت مصر قبضتها كريز و دخلت السبيطار .ماتت ام كلثوم نهار 3 فيفري 1975 عند الفجر .الجنازة تاعها داروهالها
فالجامع تاع عمر مكرم فالقاهرة هاذا الجامع معروف بكثرة المسلمين لي فيه .الجثمان تاع ام كلثوم من اللاول كان لازم يترفد حتى يوصلوه لدار بصح من كثرت الغاشي لي كان فما باه يحظر الجنازة و غاشي كبير كان فما يبكي على ام كلثوم ويتبع فالجنازة و عكس التقاليد تاع المسلمين,المسؤولين دمرو الجثمان يومين على طريق.الجنازة تاع ام كلثوم كان فيها ضيق كبير بزاف من كثرت الغاشي لي كان حاظر فماك الشعب هاذاك كامل جا يودع اللراحلة ام كلثوم .نجوم في السينيماوشعراءورجال الاعمال و السفراء وحتى الوزراء دارو موكب كبير بزاف لام كلثوم كثر من واحد فاصل خمسة كيلوميتر مع قريب (ثلث ملاين من الناس) ;وهاذا كان ثاني اكبر تجمع في مصر ,بعد الجنازة تاع الرئيس الناصر.النعش تاع ام كلثوم قعد فالقاهرة لمدة ثلاث ساعات باه يوصلو للجامع تاع السعيد الحسين هاذا الجامع كان المخير عند ام كلثوم
الصوت تاعها وكيدير تغني[modifier | modifier le code]
هي معروفة بزاف بصوتها القوي وغناها على الدين,الحب والدولة المصرية عندها بزاف اعمال صعيب باه نحسبو شحال و وين غنات.ام كلثوم تعلمت تغني من صغرها كيما كانت
تحفظ القران و هاذا الشي سمحلها باه تحسن صوتها
شويا من خدمتها[modifier | modifier le code]
يا الكروان 1926
تفكرني 1939
الكل فالحب 1941
زعفت وكان 1949
دليلي 1955
حب ايه ايه 1960
ننساك يا سلام 1961
حيرت قلبي معاك 1961
ليل الزمان 1962
طوف و شوف 1963
سيرة الحب 1964
للصبر حدود 1964
بعيدة عليك 1965
امل حياتي 1965
فكروني 1966
حديث الروح 1967
هاذي ليلتي 1968
الف ليلة و ليلة 1969
ليلة حب 1973
افلامها[modifier | modifier le code]
وداد تاع احمد بدر خان عام 1936
نشيد الامل عام 1937
دنانير تاع احمد بدر خان عام 1940
عايدة تاع احمد بدر خان عام 1942
فاطمة تاع احمد بدر خان عام 1947
الشكر و الثناء[modifier | modifier le code]
البواق ابراهيم معلوف هدالها البوم كامل عام 2015 سموه كلثوم
دراهمها وثروتها[modifier | modifier le code]
شارل ديغول سماها السيدة وماريا لاس سماتها الصوت لي ماكانش كيفو ,في مصر فاشرق الاوسط ام كلثوم ولات اكبر فنانة وموسيقية وحتى يومنا هاذا ;كانت تلعب دور قريب خيالي مابين الشباب تاع مصر وهي معروفة فان في اسرائيل
وبزاف في فلسطين بين اليهود و العرب ,و الكسيطات تاوعها كانو يتباعو قريب مليون كاسيطة فالعام.
في2001الحكومة المصرية فتحت متحف سماتو كوكب الشرق فا الذكرى تاع ام كلثوم,هاذاك المتحف كان فيه قيمة فنية وشخصية كبيرة بزاف لام كلثوم كيما نواظرها تاع الشمس و خيمارها وفان تصاويرها و تسجيلات الصوت و بزاف صوالح وحداخرين جابوهم من الارشيف.