بقلافة[modifier | modifier le code]

البقلافة ولا البقلاوة هو ديسار تقليدي مشترك بين كامل الشعوب تاع الامبراطورية البيزنطية,عند الفرس و الامبراطورية تاع العثمانيين .هذا ديسارمحلي عند البلغار عند اليونان, الترك و في البلقان (البانيا ,البوسنا ,الصرب, مقدونيا كرواتيا و رومانيا)و حتى في الشرق الوسط و مام في المغرب. هذا الديسار منتشر بزاف عند الجورجيين ,عند الاذريين والارمان االقبارصة

ٲصلها[modifier | modifier le code]

في الحقيقة٬ ماكاينش ٲبحاث تثبت ٲصل البقلافة بصح يڤولو بلي الاصل تعها يرجع لزمان ماقبل العثمان٠ كاين ثلاثة فرضيات : اللولة عندها علاقة معا الخبز الملفوف تاع شعوب الترك لي جايين في آسيا الصغرى٬الزاوجة معا الڤاطو الروماني ݒلاصونتا و التطورات تاعو في الكوزينة البزنطية الثالثة٬متعلقة بالكوزينة ٠الفارسية واللوزيناك .لافورم تاعها تاع ضروك ظهرت في وقت لامبراطورية العثمانية في الكوزينة الامبراطورية تاع قصر التوبكاصي في اسطنبول وين كان السلطان يهدي البقلاوة للانكشاريين في اليلة الخمسطاعش من رمضان في الحفلة الي كانو يسموها بقلافة ألايي.

ٳلا التسمية تاع البقلاوة متشابهة في ڤاع البلدان الطريقة تاع تحضيرها تختلف من بلاصة لختها كل بلاد و عندها بقلاوة خاصة بيها .فالترك و الشرق الاوسط يصنعوه من البيستاش و النوازاة و فالمروك يطيبوها باللوز و العسل وفي بلاد البلقان يصنعوها بالجوز .

في الوقت تاع البزنطين بدات التجارة و طريقة تحضير البقلاوة تنشهر بالشوية .

تتكون البقلاوة من 33 طبقة ....................

.في رومانيا البقلاوة بانت في القرن الثمنطاعش في نفس الوقت مع الخمر، النوڤة ،و حلوة السكر .في روملنيا يصنعو البقلاوة بزاف في نهار العام و في الصيف .

أنواع البقلاوة[modifier | modifier le code]

كاين بزاف أنواع تاع القلاوة و على حساب البلدان و البلايص .البقلاوة قاطو حلو قاوي مصنوع من عجبنة الفيلو ,السيرو و السكر ( في اليونان و الترك يديرو العسل )و كاين اللي يديو البيستاش,الجوز,النوازاة وكل واحد واش يحب يدير على حساب البلايص وليغوسات .

في الجزاير ينطقو بقلاوة,هي عجينة المورقة و اللوز و العسيلة, هذا القاطو جا من البقلاوة التركية في وقت الحكم تاع العثمان و البقلاوة تتميز بالمكونات و التقطاع تاعها ,في اليونان و سوريا البقلاوة مصنوعة من عجينة الفيلو و البستاش .

فالصرب مصنوعة القلاوة من عجينة الفيلو, الجوزو العسل .

البقلاوة التركية مشكلة على شكل مستطيل ,مصنوع من الفيلو ,لي فروي ساك و اللوز المرحي ,السيرو المصنوع من السكر الليم.

تحضير البقلاوة[modifier | modifier le code]

البقلاوة تدي وقت كبير باش تصنصنع بغسكو متكونة من بزاف طبقات رقيقة تتلصق بالزبدة و لا الزيت وحدة مورى ختها ,ونحطها وحدة فوق لخرى في سنيوة مدورة و لا كاري ولا تترولا الطبقات على بعضاها.

تترحى الدقادق مليح ة تنحط عل طبقات العجينة ,منبعد تندار اتطيب وتتعسل بالعسيلة لي تكون ديجا ندارلها العسل باش ماتتكرملش ,و لا تتعسل بالعسل و ماء الزهر تاع التشينة و لا الورد .ونزيدو خطرات قرنفل مرحي .