Podio
Podio estas utila farita objekto, kiu ebligas por homoj stari sur pli alta platformo ol la ĉirkaŭo, respektive grundo aŭ planko. Ĝi estas uzata tiel por pli bone vidigi la parolantojn, la eventon, sportajn venkintojn.
Dum sporta evento, la venkintoj ofte staras triope sur podio, kies plej alta parto servas por la plej bona venkinto, la mezalta podia parto por la dua plej bona kaj la plej malalta podia parto por la tria plej bona venkinto.
Alifoje en podio povas esti montrataj negative kulpulojn, homojn kiuj pro iu ajn kialo estas ekspoziciitaj antaŭ homaro kiel puno, rekono ktp.
En sociaj kunvenoj, prelegoj, konferencoj, kongresoj ktp., sur podio sidas la ĉefaj partoprenantoj, nome prelegantoj, prezidantoj de asocioj, omaĝatoj, kontrolisto ktp.
Laŭ Francisko Azorín podio estas Diverscela, benkosimila apogaĵo. Ĉe la antikvaj teatroj, la muro, kiu ĉirkaŭas la arenon.[1] Li indikas etimologion el la greka podion (piedo, apogaĵo) kaj de tie la latina podium.[2]
Notoj[redakti | redakti fonton]
- ↑ Francisko Azorín, arkitekto, Universala Terminologio de la Arkitekturo (arkeologio, arto, konstruo kaj metio), Presejo Chulilla y Ángel, Madrido, 1932, paĝo 169.
- ↑ Azorín, samloke.